Педагог-хореограф Шөкеевтің кеңесшісі болып тағайындалды
Опубликовано:
Әлия Богданқызы Шалхарова Түркістан облысының әкімі Өмірзақ Шөкеевтің кеңесшісі болып тағайындалды. Бұл туралы облыстық әкімдіктің баспасөз қызметіне сілтеме жасаған KAZ.NUR.KZ хабарлайды.
Әлия Богданқызы 1977 жылы Оңтүстік Қазақстан облысы, Сарыағаш ауданында дүниеге келген. Білімі жоғары. Мамандығы педагог-хореограф, психология пәнінің ұстазы, психолог, экономист.
Еңбек жолын 1998 жылы Мәдениет және өнерді дамыту Қорының хореографиялық ұжым басшысы болып бастаған.
2016-2018 жылдары ОҚО бойынша Мәдениет басқармасының "Түркістан Сарайы" МКК-ң концерттік мекеме директоры қызметін атқарған.
2018-2019 жылдары Шымкент қаласының мәдениет, тілдерді дамыту және мұрағат басқармасының басшысы болған.
2006 жылы "Екі ел арасында қарым-қатынас және өнерді дамытуға қосқан үлесі" үшін Өзбекстан Республикасының "Хадықтар Достығы" орденімен марапатталған.
2018 жылы "Облыс мәдениетін дамытуға қосқан үлесі үшін" Оңтүстік Қазақстан облысы әкімі медалінің иегері.
2018 жылы "Ерен еңбегі үшін" мемлекеттік медалімен марапатталған.
Мақаланың түпнұсқасы: https://kaz.nur.kz/society/1816093-pedagog-horeograf-skeevti-keessisi-bolyp-tagajyndaldy/
