RU

Түркістанда тағы да қонақүй өртенді

Бүгін, 14 қыркүйек сағат 11.04-де Түркістандағы "Яссы" қонақ үйінің екі қабатты ғимаратынан өрт шықты. Бұл туралы Ішкі істер министрлігі Төтенше жағдайлар комитетіне сілтеме жасаған KAZ.NUR.KZ хабарлайды.

Көрнекі фото: NUR.KZ/ Петр Карандашов
Көрнекі фото: NUR.KZ/ Петр Карандашов: Instagram

Комитетте хабарлағандай, өрт ғимараттың екінші қабатында газдық тұрмыстық баллонның жарылысы салдарынан шыққан. Өрт сөндіру бөлімшелерінің күшімен қонақ үйден 10 адам эвакуацияланған.

Қабылданған шаралармен өрт 11.34-те оқшауланып, 11.52-де жойылды. Қаза болғандар мен зардап шеккендер жоқ.

"Өрттің себебі анықталуда. Өртті сөндіруге Түркістан облысы ТЖД жеке құрамынан 25 адам мен 8 өрт сөндіру техникасы жұмылдырылды", - деп хабарлады ТЖК.

Сегіз адамнан тұратын полиция қызметкерлері қонақүй аумағын қоршап алды.

Айта кетейік, осыдан төрт күн бұрын Түркістандағы қонақүйде жарылыс орын алып, соңы өртке ұласты.

Мақаланың түпнұсқасы: https://kaz.nur.kz/1816534-trkistanda-tagy-da-konakj-rtendi.html