RU

Президент талай спорт шебері шыққан ауыл мектебіне барды (фото)

Мемлекет басшысы Ақмола облысына жасаған жұмыс сапары аясында Жақсы ауылындағы Т. Уәлиев атындағы жекеменшік спорт мектебін аралап көрді деп хабарлайды Ақорда.

ввввв
Фото: Ақорда: Facebook

Қазақстан президентіне күрес, бокс және футбол спортына арналған залдар көрсетілді. Қазіргі уақытта Жақсы ауданының 170 оқушысы бокс, грек-рим күресі және футбол секцияларында спортпен шұғылданады.

Бұл спорт мектебі өз тарихында 4800 спортшыны, соның ішінде Қазақстан Республикасының еңбек сіңірген спорт шеберлері мен халықаралық дәрежедегі спорт шеберлерін дайындап шығарды.

ввввв
Фото: Ақорда: Facebook

Мемлекет басшысы грек-рим күресінен Олимпиада чемпионы Юрий Мельниченкомен және спорт мектебінің тәрбиеленушілерімен әңгімелесу барысында ауылдағы бұқаралық спортты дамытудың маңыздылығын атап өтті. 

Мақаланың түпнұсқасы: https://kaz.nur.kz/1817159-prezident-talaj-sport-seberleri-sykkan-auyl-mektebine-bardy-foto.html