Тоқаев Қарағанды облысының әкімі қызметіне Жеңіс Қасымбекті ұсынды
Опубликовано:
Қазақстан президенті Қасым-Жомарт Тоқаев Қарағанды облысы әкімі лауазымына Жеңіс Қасымбектің кандидатурасын ұсынды деп хабарлайды KAZ.NUR.KZ.
Бұл туралы мемлекет басшысы Twitter желісіндегі парақшасында жазды.
"Қарағанды облысының бұрынғы әкімі, тәжірибелі мемлекеттік қызметші Е.Қошанов Президент Әкімшілігінің басшысы лауазымына тағайындалды. Қарағанды облысының басшысы лауазымына мәслихатқа Премьер-министрдің орынбасары, білікті басқарушы Ж.Қасымбек ұсынылады", - деді Тоқаев.
Айта кетейік, мемлекет басшысының жарлығымен Ерлан Қошанов Қазақстан президенті Әкімшілігінің басшысы болып тағайындалды.
Мақаланың түпнұсқасы: https://kaz.nur.kz/politics/1817480-tokaev-karagandy-oblysy-kimi-kyzmetine-zeis-kasymbekti-syndy/
