RU

Жанар Хамитованың әкесі қызының өліміне ешкімді кінәламауға шақырды

Осыдан бірнеше күн бұрын көз жұмған әнші Жанар Хамитованың әкесі Аманжол Хамитов қызының өліміне ешкімді кінәламайтынын айтты. Бұл туралы ол Tengrinews.kz агенттігіне берген сұхбатында мәлімдеді деп хабарлайды KAZ.NUR.KZ.

Жанар Хамитова. Фото: Әлеуметтік желі
Жанар Хамитова. Фото: Әлеуметтік желі: Instagram

Қайғыдан қан жұтқан әке бұл қазаны тағдырдың ісіне балап отыр.

"Иә, өзі жап-жарық жұлдыз еді...Жұлдыз болып кетті. Біз ешкімді кінәламаймыз. Бұл - тағдыр. Ешкімді кінәлаудың қажеті жоқ. Бұрынғы күйеуін де, табынушыларын да. Ол бәрімен жақсы қарым-қатынаста болды", - деді Аманжол Хамитов.

Айта кетейік, Жанар Хамитова өзінің туған жері Қарқаралыда көз жұмды. Полиция әншінің өліміне қатысты пікір білдірді.

Мақаланың түпнұсқасы: https://kaz.nur.kz/1817522-zanar-hamitovany-kesi-kyzyny-limine-eskimdi-kinlamauga-sakyrdy.html