Марқұм болған Жанар Хамитованың ерекше сәттерінің видеосы жарияланды

16 қыркүйек күні отандық шоу-бизнестің жарқын жұлдызы Жанар Хамитова өмірден өтті. Әншінің өліміне барша қазақстандықтар қайғыруда. Назарларыңызға әртістің өнерден 11 жылға алыстап кетіп, сахнаға қайта оралған шағының ең әсерлі әрі ерекше сәттерін ұсынамыз деп жазады "Астарлы ақиқат" бағдарламасына сілтеме жасаған KAZ.NUR.KZ.

Сахнаға жарқ етіп шығып, ел сүйіктісіне айналған жұлдыз тура солай жарқ етіп сөнді.

2019 жылдың басында өнерге оралғанын мәлімдеген Хамитоваға көпшілік тәнті болды.

Кейбір шығармашылықтағы әріптестері оған көмек қолын созып, әншілігін шыңдауға септігін тигізді.

Халық одан жаңа туындылар күтіп жүргенде, ол өз күйзелісімен күресіп әлек болған сыңайлы.

Отандық өнер әлеміне қайта келіп, көпті қуантқан Жанардың өміріндегі ерекше әрі әсерлі сәттерінің үзіндісін көрсеңіздер болады.