RU
"Педагог мәртебесі туралы" заң жобасы күшіне енсе мұғалімдердің өмірі қалай өзгереді?

"Педагог мәртебесі туралы" заң жобасы күшіне енсе мұғалімдердің өмірі қалай өзгереді?

Рассказать Вконтакте

Білім және ғылым министрі Асхат Аймағамбетов мәжілісте "Педагог мәртебесі туралы" заң жобасын таныстырды деп хабарлайды Sputnik Қазақстан.

Көрнекі фото: pixabay.com

Көрнекі фото: pixabay.com

Басылымның мәліметінше, аталған заң жобасы 19 баптан тұрады. Аймағамбетов мұғалімдердің өмірін жеңілдететін құжаттың маңызды тұстарына тоқталған.

Министр заң жобасын таныстырар барысында 2024 жылға қарай білім беру саласында істейтін 500 мың мұғалімнің жалақысы екі есеге өсетінін айтты.

Оның пікірінше, қазіргі уақытта ұстаздардың айлығы еліміз бойынша орташа жалақы деңгейінен төмен, небәрі 110 мың теңге.

"Ал енді жоғары оқу орнын бітірген жас мамандардың айлығы 70 мың теңгені құрайды. Бұл, әрине, жеткіліксіз. Сондықтан президенттің тамыз конференциясында берген тапсырмасына сәйкес, алдағы төрт жылда жалақыны екі есеге өсіру жоспарланып отыр. Бұл келесі жылдан бастап олардың еңбекақысы 25 процентке ұлғаяды деген сөз", - дейді Аймағамбетов.

Сондай-ақ сынып жетекшілігі мен дәптер тексергені үшін қосымша ақы екі есеге өсіріледі. Бұдан бөлек, педагогикалық шеберлік үшін де үстеме төленбек.

"Барлық педагог үшін еңбек демалысын 56 күнге ұзарту, тәлімгерлік үшін қосымша ақы төлеу қарастырылып отыр", - деді Аймағамбетов.

Жаңашылдықтың бірі – магистр дәрежесі үшін 10 АЕК мөлшерінде қосымша ақы төлеу.

Сондай-ақ, заң жобасында мұғалімдерді артық жұмысқа тартуға тыйым салу арқылы педагогтің жүктемесін азайту көзделіп отыр.

"Ұстазды артық жұмыс пен есепке жеккендерге 20 АЕК-тан 120 АЕК-қа дейін (50 500-ден 303 000 теңгеге дейін) айыппұл салынады. Жұмыс уақытының нормасын заңсыз асырғаны үшін де дәл осындай айыппұл қарастырылған", - деді министр.

Сонымен қатар, мектептерде, балабақшаларда, жетім балаларға арналған білім мекемелерінде балаларды тамақтандыруды ұйымдастыру талаптарын бұзған лауазымды тұлғалар әкімшілік жазаға тартылмақ.

"Бұдан бөлек, іс-әрекет қабілеті шектелген, психикалық және мінез-құлық ауруларымен бақылауда тұратын адамдардың педагогикалық қызметпен айналысуына тыйым салынады. Бұл норманы бұзғандарға айыппұл салынады", - деді Аймағамбетов.

Сонымен қатар 2022 жылдың 1 қаңтарынан бастап алғаш рет кәсіби қызметіне кіріскен адамдар педагог біліктілігіне сәйкестігін растауы тиіс.

"Педагог мәртебесі туралы" заң жобасына сәйкес, енді мұғалімдердің балаларына балабақшадан бірінші кезекте орын беріледі.

Ұстаздар үшін "Қазақстанның еңбек сіңірген ұстазы" мемлекеттік марапатын бекіту көзделіп отыр.

Әскери қызметке шақыруды кейінге қалдыру, ауыл мұғалімдерінің еңбекақысын арттыру, "Үздік педагог", "ЖОО-ның үздік оқытушысы" гранттары сияқты әлеуметтік кепілдіктер де заң жобасында сақталған.

Сіздің реакцияңыз
2
0
0
0
1
4
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel