RU
"Манчестер Юнайтед" "Астана" сапындағы ең қауіпті ойыншыны атады

"Манчестер Юнайтед" "Астана" сапындағы ең қауіпті ойыншыны атады

Рассказать Вконтакте

"Манчестер Юнайтед" футбол клубының мамандары "Астанамен" өтетін матчқа дайындықтары туралы айтып берді деп хабарлайды ағылшын клубының ресми сайтына сілтеме жасаған KAZ.NUR.KZ.

"Өз лигасында 5 рет чемпион болған "Астананың" ең қауіпті ойыншысы - хорватиялық легионер Марин Томасов болып табылады. Ол Еуропа Лигасының квалификациялық кезеңінде 7 гол соғып үлгерді. Бұл "Рейнджерс" командасының үздік сұрмергені Альфредо Морелостің көрсеткішінен 1 голға көп", – делінген "Манчестер Юнайтедтің" ресми сайтында.

Сондай-ақ, ағылшындар қазақстандық команданың тағы екі ойыншысын атап өтті. Олар – Антонио Рукавина мен Роман Муртазаев.

Еске сала кетейік, "Астана" мен "Манчестер Юнайтед" арасындағы матч 20 қыркүйекте елорда уақытымен сағат 1:00-де "Олд Траффорд" алаңында өтеді.

Матчты тікелей эфирде "Qazsport" телеарнасы көрсетеді.

Сіздің реакцияңыз
1
0
0
0
0
1
3
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel