Top.Mail.Ru

Сайт нұсқасы

ru kz

Зектілері

Өскенбаев көпбалалы ата-аналар үшін жағымды жаңалықпен бөлісті

Опубликовано:

Индустрия және инфрақұрылымдық даму вице-министрі Қайырбек Өскенбаев жалдамалы пәтерлерді тарату жоспары туралы айтып берді деп хабарлайды Sputnik Қазақстан.

Көрнекі фото: pixabay
Көрнекі фото: pixabay: Depositphotos

Бұл туралы Өскенбаев үкімет үйінде өткен баспасөз мәслихатында айтты.

Вице-министр биыл республика бойынша жалға берілетін тұрғын үйдің құрылысына 32,8 миллиард теңге қарастырылғанын айтты.

Оның айтуынша, осы ақшаға 6 мыңнан астам пәтер салу немесе дайын баспананы сатып алу жоспарланып отыр. Жалдамалы баспана жекеменшікке берілмейді, жалға алу құқығымен ғана таратылады.

"Биыл 6 мың пәтер беріледі деген жоспар болған. Бірақ оның саны артайын деп тұр. Қазірдің өзінде 2 813 жалдамалы баспана берілді. Жыл аяғына дейін осы санаттағы пәтерлердің санын 8 мыңға жеткіземіз деген ойымыз бар", - деді Өскенбаев.

Вице-министр жыл сайын орташа есеппен 6 мың жалдамалы пәтер салынса, 2025 жылға дейін осы санаттағы 40 мың баспананы таратуға болатынын жеткізді.

Оның сөзінше, осылайша, әкімдік кезегінде тұрған барлық көпбалалы отбасыны тұрғын үймен қамтамыз етуге мүмкіндік бар.

Мақаланың түпнұсқасы: https://kaz.nur.kz/society/1817856-skenbaev-kpbalaly-ata-analar-sin-zagymdy-zaalykpen-blisti/

pixel