RU

Алматыда халық жазушысы Әбіш Кекілбаевтың есіміне көше берілді

Бүгін Қазақстанның халық жазушысы, мемлекет және қоғам қайраткері Әбіш Кекілбайұлының 80 жылдығына орай Алматы қаласындағы Бостандық ауданында орналасқан көрікті көшелердің біріне абыздың есімі берілді.

Алматыда халық жазушысы Әбіш Кекілбаевтың есіміне көше берілді
Фото: Акимат Мангистауской области: Facebook

Салтанатты шараға Алматы қаласының әкімі Б.Сағынтаев, Маңғыстау облысы әкімінің орынбасары Қ.Жұмашев және жазушының жары Клара Жұмабайқызы мен туыстары қатысты. Алматы жұртшылығын айтулы қуанышпен құттықтаған шаһар басшысы бұл шараның өз шығармаларымен мәңгі жасайтын қазақтың кемеңгер жазушысына берілген баға екенін айтты.

Алматыда халық жазушысы Әбіш Кекілбаевтың есіміне көше берілді
Фото: Акимат Мангистауской области: Facebook

Бүгін сондай-ақ, Алматыдағы Н.Назарбаев даңғылында орналасқан Ә.Кекілбаев тұрған 118-үйге мемориалдық тақта орнатылып, салтанатты жағдайда ашылды. Ал, кешке Абай атындағы Қазақ мемлекеттік академиялық опера және балет театрында салтанатты кеш өтеді.

Маңғыстау өңірлік коммуникациялар қызметі.

Мақаланың түпнұсқасы: https://kaz.nur.kz/1817898-almatyda-halyk-zazusysy-bis-kekilbaevty-esimine-kse-berildi.html