RU

Тұрсынбай Құлахмет бокстан әлем чемпионатының қола жүлдегері атанды

Бокстан Ресейдің Екатеринбург қаласында өтіп жатқан әлем чемпионатында Қазақстан командасының қоржынына екінші қола медаль түсті деп хабарлайды Olympic.kz.

Тұрсынбай Құлахмет. Фото: Qsport.kz
Тұрсынбай Құлахмет. Фото: Qsport.kz: Facebook

75 келіде жұдырықтасқан биылғы Азия чемпионы Тұрсынбай Құлахмет жартылай финалда филиппиндік боксшыға есе жіберді.

Тәжірибелі Эумин Марсиаль қазақстандықты нокдаунға жіберіп, 5:0 есебімен жеңіске жетті.

Осылайша, әлем біріншілігінде Қазақстан қоржыны тағы бір қоламен толықты. Бұған дейін 52 келіде жұдырықтасқан Сәкен Бибосыновтың жартылай финалда үнді боксшысынан ұтылып, қола жүлдегер атанғанын хабарлаған болатынбыз.

Мақаланың түпнұсқасы: https://kaz.nur.kz/1817968-trsynbaj-klahmet-bokstan-lem-cempionatyny-kola-zldegeri-atandy.html