RU

Тамбурда темекі шегіп тұрған әйел пойыздан құлап кетті (фото)

Жамбыл облысындағы теміржол жолдарында тағы бір оқыс оқиға тіркелді. Тамбурда темекі шегіп тұрған әйел адам абайсызда құлап кеткен деп хабарлайды Zakon.kz-ке сілтеме жасаған KAZ.NUR.KZ.

Фото: NUR.KZ
Фото: NUR.KZ: UGC

Басылымның мәліметінше, келіншектің пойыздан құлап кеткені туралы суретті редакцияға оқырмандар жолдаған.

Фото: Zakon.kz
Фото: Zakon.kz: UGC
Сурет авторының айтуынша, оқыс оқиғадан зардап шеккен әйел адам жолсерік болып жұмыс істейді екен.

Олардың сөзінше, тамбурда темекі шегіп тұрған сәтінде келіншек теміржол көлігінен құлап кеткен екен.

Басылым ҚТЖ-ға аталған мәселеге қатысты түсініктеме алуға хабарласқан.

Компания өкілдерінің айтуынша, оқиға "Түрксіб - Астана" бағытындағы пойызда тіркелген. Нақтырақ айтсақ, оқыс оқиға Шығанақ-Мыңарал бағытындағы жолда орын алыпты. Аталған іс бойынша бүгінде тергеу жұмыстары басталып кеткен.

Мақаланың түпнұсқасы: https://kaz.nur.kz/1818290-tamburda-temeki-segip-trgan-jel-adam-pojyzdan-klap-ketti-foto.html