"Ренжідім": Мақпал Жүнісова Алматы әкімдігіне назын білдірді (видео)

Халық әртісі, сахна еркесі Мақпал Жүнісова Алматы әкімдігіне өкпелі. Оған себеп өнер иесінің жыл сайын тойланатын қала күніне шақырылмауы деп хабарлайды shownews.kz бағдарламасына сілтеме жасаған KAZ.NUR.KZ.

"Алматы күні", "Алматы түні" деген сияқты бір концертіне қатыстырған жоқ. Неге шақырмайтынын кім біледі, мен де білмеймін. Мен бір таяқ ұстап жүрген, жүре алмайды дейтіндей ата-апа емеспін ғой. Ары-бері секіріп, гәстрөлдетіп жүрген адамбыз. Бірақ, мені шақырмайды", - деген әнші назын жеткізді.

"Қанша әкім ауысты. Бір әкім маған "Мақпал, айналайын. Мына қала күніне келіп, маған ән салып бер" деп айтқан жоқ. Шақырмаған жерге мен бармаймын. Мен ренжідім", - деді халық әртісі.

Көпшіліктің ерке қызына айналған эстрада жұлдызының ендігі үміті Бақытжан Сағынтаевта.

"Жаңадан келген Сағынтаев ағамыз мүмкін басқаша әкім шығар. Ендігі жылы мені шақыратын шығар" ,- дейді әнші.