Қайрат Нұртастың жары оқушы кезінде қандай болғанын көрсетті (фото)

Белгілі әнші Қайрат Нұртастың әйелі Жұлдыз Абдукаримова Instagram желісіндегі парақшасында жеке мұрағатындағы әжесімен түскен ескі суретін жариялады. Хитменнің жары кезекті жазбасы арқылы қарттар күнімен құттықтаған деп хабарлайды KAZ.NUR.KZ.

"Жастар жылындағы қарттар күні құтты болсын. Жиын-тойда "алып қояйық" демей, "әмин" деп бата беріп, өсиет айтар қазыналы қарттарымыз көп болсын.

Кешегі постымда жазған әжем ғой. Білгені мен көргенін айтып кетуге асығатын... Алтыным сол, жатқан жеріңіз жарық, топырағыңыз торқа болсын", - деді Жұлдыз Абдукаримова.

Бұны көрген желі оқырмандары "Әжеңіздің жатқан жері жайлы болсын", "Әжеңізге ұқсайды екенсіз", "Кішкентай кезіңізде томпақ болыпсыз", "Екі қызыңыз осы кезіңіздегі түріңізге келеді екен" деген сынды пікірлерін қалдырды.