Көлік көпірден ұшып кеткен: Шамалғанда жол апатынан екі адам көз жұмды (видео)

Алматы облысы Шамалған бекеті маңындағы көпірден көлік ұшып кетіп, екі адам көз жұмды деп хабарлайды ҚазАқпарат агенттігі.

Оқыс оқиғаның видеосы Instagram әлеуметтік желісіндегі krispi_almaty парақшасында пайда болды. Аталған жағдайға қатысты Алматы облысының Полиция департаменті түсініктеме берді.

"Жол-көлік оқиғасы таңертең 9:30-да Қарасай ауданында тіркелді. Оқиға орнында полиция қызметкерлері жұмыс істеуде. Жол апаты салдарынан 1982 және 1988 жылғы екі азамат қаза тапты. Бұл оқиғаға қатысты іс бойынша ҚР Қылмыстық кодексінің 345-бабының 4-бөлігінде қарастырылған қажетті сараптамаларды тағайындау арқылы сотқа дейінгі тергеу басталды",- деді ведомствода.