RU
СІМ басшысы: Ақжарқын Тұрлыбайды экстрадациялау кезеңіне өтетін шығармыз
Жаңалықтар Қоғам

СІМ басшысы: Ақжарқын Тұрлыбайды экстрадациялау кезеңіне өтетін шығармыз

Рассказать Вконтакте

ҚР Сыртқы істер министрі Мұхтар Тілеуберді Қытайда тұтқындалған қазақстандық Ақжарқын Тұрлыбай ісі туралы пікір білдірді, деп хабарлайды ҚазАқпарат.

Фото: әлеуметтік желілерден

Фото: әлеуметтік желілерден

Сыртқы істер министрі Мұхтар Тілеуберді "Nur Otan партиясына азаматттарды қабылдау барысында Ақжарқын Тұрлыбай ісінің жаңа жайттарын айтты.

Оның сөзінше, ел президенті Қасым-Жомарт Тоқаев қытай билігіне істі барынша әділ қарау туралы өтініш білдірген.

Сондай-ақ маман сот процесінің әлі жүріп жатқанын, әзірге тек күту керектігін айтты.

"Сот процесінен кейін бәлкім, оны экстрадациялау кезеңіне өтетін шығармыз", - деді СІМ басшысы.

Естеріңізге салсақ, Қазақстан азаматы Ақжарқын Тұрлыбай 2014 жылы наурызда Гуанчжоу әуежайында ұсталған болатын. Оған шекарадан 4,5 келі есірткіні алып өтпек болды деген айып тағылды.Ол кезде отандасымыз 20 жаста болған еді. 2015 жылдың маусымында Қытай соты оны өмір бойына бас бостандығынан айырды. Сотта Ақжарқын шетелдік досы алдап кеткенін айтып, кінәсін мойындаған жоқ.

2016 жылы сот шешімі жойылып, іс қайта қарауға жіберілген еді.

Биыл 3 қыркүйекте Қытайдың Гуанчжоу қалалық сотында Ақжарқын Тұрлыбайдың ісі бойынша отырыс өтті. Отырыста қорғаушы тарап ұсынған қылмыстық іс материалдары қаралды. Үкімнің қашан жарияланатыны белгісіз.

Ал 9 қыркүйекте отандасымыздың анасы Зухра Сейтімова Қазақстан президентіне көмек сұрап хат жазған еді.

Сондай-ақ, Ақжарқын Тұрлыбайдың қорғаушысы Сұңқар Нұрмағамбетов істің неге созылып кеткенін айтқан болатын. Мемлекет басшысы Қасым-Жомарт Тоқаев жақында ғана жасалған Қытайға сапарында отандасымыз Ақжарқын Тұрлыбайға қатысты жеке өтінішін жеткізді.

Сіздің реакцияңыз
1
0
1
2
0
1
0
Спасибо за Ваше мнение Вы уже голосовали
Тағы да оқыңыздар
Жүктеу...
Пікір
Mailfire view pixel