Шымкенттік бұрынғы бас дәрігер 38,5 млн теңге жымқырды деп күдіктелуде

Сыбайлас жемқорлыққа қарсы қызметінде Түркістан облысы балалар ауруханасының бұрынғы бас дәрігеріне қатысты сотқа дейінгі тергеу туралы айтылды. Ол ондаған миллион теңгені жымқырды деп күдіктелуде деп хабарлайды KAZ.NUR.KZ.

"Осы аптада Шымкент қаласының Сыбайлас жемқорлыққа қарсы қызметі 38,5 млн теңге сомасында бюджет қаражатын жымқырды деп күдіктеліп отырған Түркістан облыстық балалар ауруханасының бұрынғы бас дәрігеріне қатысты сотқа дейінгі тергеу жұмыстарын бастады", - деді агенттік төрағасының орынбасары Шыңғыс Қабдула.

Тергеу бас дәрігердің аурухана ғимараттары мен үй-жайларына жөндеу жұмыстарын жүргізу сылтауымен үлестес кәсіпорындар арқылы миллиондаған ақшаны қолма-қол ақшаға айналдырып, жымқырған деген пікірде.