Қазақстан мен Ресей хоккейшілері ойын барысында төбелесіп қалды (видео)

Өскемендік "Алтай" ХК мен Новосібірдегі "Сибирский снайпер" арасында жаппай төбелес болды деп хабарлайды KAZ.NUR.KZ. Видео YouTube-арнасында пайда болды.

Қазақстандық және ресейлік хоккейшілер арасындағы төбелес Жастар хоккей лигасының (ЖХЛ) матчында орын алды.

Барлығы "Алтайдың" матч аяқталар кезде 2:1 есебімен алда келе жатқан уақытында қазақстандық Никита Волосенков пен ресейлік Никита Ефремовтың қақтығысынан басталды.

Төрешілер тәртіп бұзушыларға жаза тағайындап жатқанша, төбелеске қалған хоккейшілер қосылды.

Матчтың комментаторы болған жайтты "мұз айдыны төбелесі" деп атады

Нәтижесінде, "Алтай" ойыншылары 134 минут айыппұл алып, алаң иелеріне 124 минутқа айыппұл салынды.

Айта кетейік, бүгін, 9 қазанда командалар қайта кездеседі.