Top.Mail.Ru

Сайт нұсқасы

ru kz

Зектілері

Павлодарда мектеп асханасынан тамақ ішкен алты бала уланып қалды

Опубликовано:

Павлодар қаласына қарасты Павлодар ауылының мектебіндегі асханада тамақтанған 6 бала уланып қалды деп хабарлайды pavlodarnews.kz.

ввввв
Көрнекі фото: NUR.KZ: Original

Бұл туралы облыстық білім беру басқармасының басшысы Дінислам Болатханұлы мәлімдеді.

"Бірден айта кетейін, жағдай менің жеке бақылауымда", - деді Болатханұлы.

Қазір оқиға орнында Павлодар білім беру бөлімінің және қоғамдық денсаулықты бақылау органының өкілдері жұмыс жасауда. Жақын арада тексеру нәтижелері дайын болады. Басқарма басшысы балалардың ата-анасынан кешірім сұрады

"Білім ордасындағы оқиға біздің кінәмізден орын алмаса да, жауапкершілікті сезініп, денсаулықтарына қауіп төнген балалардың ата-анасынан үлкен кешірім сұраймын.

Қазіргі уақытта бес бала емханада, бір бала үйінде ем қабылдауда. Дәрігерлер балалардың жағдайы қанағаттанарлықтай екендігін хабарлады.

Тағы да атап өтейін, балалардың денсаулығы – ең маңыздысы! Олардың тезірек жазылып кетуін тілейміз", - деді Дінислам Болатханұлы.

Облыстық білім беру басқармасының басшысы асхананы жалға алушының әрекеті тексеріліп жатқанын айтты. Шешім санэпидемиологтардың ресми қорытындысынан кейін шығады.

Мақаланың түпнұсқасы: https://kaz.nur.kz/society/1821566-pavlodarda-mektep-ashanasynan-tamak-isken-alty-bala-ulanyp-kaldy/

pixel