Теміртауда жантүршігерлік жол апатынан төрт адам қаза тапты

Теміртаудан Қарағандыға бет алған "БМВ" автокөлігі жол жиегіне ұшып кеткенн Нәтижесінде төрт адам қаза тауып, тағы бір адам ауруханаға жеткізілген деп жазады KAZ.NUR.KZ.

Жантүршіктірерлік оқиға кеше, 10-қазанда, металлургтер қаласынан төрт шақырым қашықтықта болған.

"ВМW-5281" көлігінің рөлінде 30 жастағы ер адам отырған. Алдын-ала мәлімет бойынша, ол тізгінге ие бола алмай қалған. Көлік жолдың жиегіне ұшып кеткен.

Нәтижесінде 21 жастағы жолаушы оқиға орнында қаза болды, жүргізуші мен тағы екі жолаушы орталық ауруханада қайтыс болды. Ауруханада 21 жастағы жолаушы жатыр", - деді ПД баспасөз қызметі.

Жүргізушінің тізгінге неліктен ие болмағанын тергеу анықтайды. ҚК 345-бабы, 4-бөлімі бойынша қылмыстық іс қозғалған.