Байқамай қалған: Алматыда 17 жастағы қызды көлік қағып өлтірді (фото)

Алматыда 17 жастағы қыз Toyota Camry көлігінің астына түсіп, қайтыс болды. Көлік жүргізушісі көшеден жүгіріп өтпек болған қызды байқамай қалған деп хабарлайды Sputnik Қазақстан.

Куәгерлер Toyota Camrу Сүйінбай даңғылымен келе жатқанын айтты.

Жүргізуші Райымбек даңғылымен қиылысқа жақын маңда жолды рұқсат етілмеген жерден кесіп өтпек болған қызды байқамай, оны бар жылдамдықпен қағып кеткен.

2002 жылы туған қыз жедел жәрдем келгенге дейін оқиға орнында көз жұмды.

Полиция қайғылы жағдайдың мән-жайын тексеруде.