Алматы маңында көлік қаққан ер адамның аяғы жұлынып кетті (фото)

Қайғылы жағдай оңтүстік астана маңындағы Қорғалжын жолында орын алды деп хабарлайды Zakon.kz-ке сілтеме жасаған KAZ.NUR.KZ.

Басылымның мәліметінше, Mercedes Vito көлігінің жүргізушісі Алматыға қарай бет алған. Ол Панфилов ауылына кіреберісте жарығы жоқ учаскіде көліктің алдынан кенеттен жаяу жүргіншінің пайда болғанын айтады.

Ер адам тежегішті басып үлгермегендіктен жаяу жүргіншіні қағып кеткен.

Соққының салдарынан ер адам жол жиегіне, ағаш жаққа қарай ұшып түсіпті. Көлік тағы біраз қашықтықты жүріп өтіп, "қарсы жолақта" тоқтаған.

Қақтығыс нәтижесінде жаяу жүргіншінің аяғы жұлынып кетті. Ол алған жарақаты салдарынан оқиға орнында көз жұмды.

Аталған факті бойынша тергеу амалдары жүргізілуде.