RU

"Зәулім сарай": Әнші Шахизада үш қабатты жаңа үйін көрсетті (фото, видео)

Отандық танымал әнші Шахизада Байбатжанова жаңа үйге көшті. Баспаналы болған өнер иесін алғашқылардың бірі болып Қайрат Нұртастың анасы Гүлзира Айдарбекова құттықтап келген деп жазады KAZ.NUR.KZ.

Фото: Instagram/gulziraaidarbekova Коллаж: KAZ.NUR.KZ
Фото: Instagram/gulziraaidarbekova Коллаж: KAZ.NUR.KZ: Instagram

Айдарбекова өзінің Instagram парақшасында Шахизаданың үйіне шашу шашып келген сәтін жариялап, оқырмандарына зәулім сарайдай үйді көрсетті.

Бейнежазбадан әншінің үйіндегі жөндеу жұмыстары әлі аяқталмағанын көруге болады.

Анықталғандай, шоу-бизнес жұлдызы үш қабатты үй салғызған. Оған қоса, жаңа үйіне Шахизада су жаңа көлігімен көшіп келген.

"Шахизада құдашамның қуанышына ортақтасып, шашуымызбен кіріп шықтық. Еңбекқорлығында шек жоқ. Таза ауа, керемет көрініс. 3 қабатты шаңырағың құтқа толсын! Көлігің тоза берсін, өмірің оза берсін" , - деп жазды Қайрат Нұртастың анасы.

Желідегілер де Айдарбековамен қосылып, әншіні баспаналы болуымен құттықтап жатты.

Мақаланың түпнұсқасы: https://kaz.nur.kz/1822785-zulim-saraj-nsi-sahizada-zaa-jin-krsetti-foto-video.html