RU

"Реалдың" 100 млн еуроға сатып алған ойыншысы ашық қақпаға гол соға алмады

Мадридтік "Реал" Чемпиондар лигасының топтық кезеңінде "Галатасарай" клубымен кездесті. Ойын барысында корольдік клубтың футболшысы Эден Азар қарсыластың ашық қақпасына гол соға алмады деп хабарлайды Eurosport.ru-ға сілтеме жасаған KAZ.NUR.KZ.

Видеодан кадр
Видеодан кадр: Facebook

Тартысты өткен матчта 0:1 есебімен мадридтік "Реал" жеңіске жетті.

Ойындағы жалғыз допты Тони Кросс соқты.

Осы жеңістен кейін корольдік клуб "А" тобында екінші орынға көтерілді.

"Реал" 4 ұпаймен париждік "ПСЖ" командасына есе жіберіп тұр.

Франциялық клуб 3 турдан кейін тоғыз ұпай жинаған.

Айта кетейік, ойын барысында Эден Азар "Галатасарай" қақпашысы Фернандо Муслераны алдап өтіп, ашық қақпаға гол соға алмады.

Әлеуметтік желіде футбол жанкүйерлері осы сәтті "жылдың мүлт кетуі" деп бағалады.

Мақаланың түпнұсқасы: https://kaz.nur.kz/1823793-realdy-100-mln-euroga-satyp-algan-ojynsysy-asyk-kakpaga-gol-soga-almady.html