RU
БҚО-да жоғалған балалардың бірінің денесі Орал өзенінен табылды

БҚО-да жоғалған балалардың бірінің денесі Орал өзенінен табылды

Рассказать Вконтакте

Кеше кешке Батыс Қазақстан облысында жоғалып кеткен екі баланың бірінің денесі бүгін таңғы 11-де Орал өзенінен табылды деп хабарлайды KAZ.NUR.KZ. 2014 жылы туған баланың табылғаны жөнінде БҚО полиция департаментінің бірлескен брифингінде мәлім болды.

Фото: NUR.KZ

Фото: NUR.KZ

Екінші баланы іздеу жұмыстары жалғасуда.

"Өзен балалар жоғалған тұрғын үйден бір шақырым жерде орналасқан", – деді БҚО ТЖД бөлімінің басшысы Максим Хайрекенов.

Іздеу жұмыстарына кинологтар, полиция мен ТЖД қызметкерлерінен және еркітілерден 200 шақты адам жұмылдырылған. ТЖД қызметінің дрондары арқылы іздеу жүргізілуде. Сондай-ақ екі техника бірлігі, оның ішінде жүзу құралы пайдаланылуда.

Брифингте айтылғандай, болжам бойынша, екінші бала да өзенде болуы мүмкін.

Еске сала кетейік, Батыс Қазақстан облысының тұрғындары 24 қазанда ағалы-інілі бес және екі жасар балалардың жоғалғанын хабарлап, полицияға жүгінген болатын.

Бүлдіршіндер сол күні шамамен 15:00-де Ақжайық ауданы Жанама ауылында көзден таса болған.

Тағы да оқыңыздар
Жүктеу...
Mailfire view pixel