RU

Батыс Қазақстанда жоғалған екінші баланың денесі табылды

Батыс Қазақстан облысында жоғалған екінші баланың денесі де өзеннен табылды деп хабарлайды ҚР ІІМ ТЖК баспасөз қызметіне сілтеме жасаған Zakon.kz.

Фото: ҚР ІІМ ТЖК
Фото: ҚР ІІМ ТЖК: UGC
"16:50-де Жайық өзенінен сүңгуірлер екінші баланың денесін алып шықты", – деп мәлімдеді ТЖК баспасөз қызметі.

Еске сала кетейік, Батыс Қазақстан облысының тұрғындары 24 қазанда ағалы-інілі бес және екі жасар балалардың жоғалғанын хабарлап, полицияға жүгінген болатын.

Бүлдіршіндер сол күні шамамен 15:00-де Ақжайық ауданы Жанама ауылында көзден таса болған.

Бүгін БҚО полиция департаментінің бірлескен брифингінде таңғы 11-де Орал өзенінен 2014 жылы туған баланың денесі табылғаны мәлім болды.

Іздеу жұмыстарына кинологтар, полиция мен ТЖД қызметкерлерінен және еркітілерден 200 шақты адам жұмылдырылды.

Мақаланың түпнұсқасы: https://kaz.nur.kz/1824182-batys-kazakstanda-zogalgan-ekinsi-balany-denesi-tabyldy.html