RU

Шымкент қаласында атыс болып, бірнеше адам жарақаттанды

Шымкент қаласындағы дәмханалардың бірінде атыс болып, төрт жігіт жарақаттанды деп хабарлайды KAZ.NUR.KZ тілшісі.

Көрнекі фото: NUR.KZ
Көрнекі фото: NUR.KZ: Original

Келеңсіз жағдай Арғынбеков көшесінде орналасқан дәмханалардың бірінде 29 қазан кешкі сағат 17.00 шамасында орын алды.

Оқиға орнына жеткен жедел жәрдем бригадасы төрт жігітті қалалық нөмірі бірінші клиникалық ауруханаға жеткізген. 

"Қазіргі уақытта Шымкент қалалық нөмірі бірінші аурухана дәрігерлері қажетті ем-домын жасап жатыр. Төрт пациенттің де іш тұсына оқ тиген"-деді Шымкент қалалық денсаулық сақтау басқармасының баспасөз қызметі.

Оқиға куәгерлерінің айтуынша, дәмханадағы атыс салдарынан 25-30 жас шамасындағы бір жігіт көз жұмған.

Алайда, бұл туралы әзірге Шымкент қаласы полиция департаменті ресми мәлімет берген жоқ.

Мақаланың түпнұсқасы: https://kaz.nur.kz/1824708-symkent-kalasynda-atys-bolyp-birnese-adam-zarakattandy.html