Top.Mail.Ru

Сайт нұсқасы

ru kz

Зектілері

Түркия Республикасының құрылғанына 96 жыл: Маңғыстауда салтанатты шара өтті

Опубликовано:

Түркия Республикасының құрылғанына 96 жыл толуына орай салтанатты шара өтті. Маңғыстау облысының әкімі Серікбай Трұмов Ақтау қаласындағы Түркияның Бас консулы Мұзаффер Ақйылдырым бастаған делегацияны осынау айтулы мерекемен құттықтап, екі елдің арасындағы ынтымақтастық қарым-қатынасты ерекше атап өтті.

Түркия Республикасының құрылғанына 96 жыл
Сурет: Маңғыстау облысы әкімдігінің: Facebook
"Еліміз егемендігін алып, тәуелсіздігіне қол жеткізген жылдардан бастап, Қазақстан мен Түркия мемлекетінің басшылары ынтымақ пен берекенің үлгісін көрсетіп келеді. Ол біз үшін өте маңызды. Біздің түбіміз бір, тегіміз бен қасиетті құндылықтарымыз ортақ, тарихымыз бен жүріп өткен жолымыз ұқсас. Білікті реформатор Мұстафа Кемал Ататүрік іргесін қалаған Түркия - мемлекет ретінде қалыптасу үшін талай қилы кезең мен қиындықты өткізгені тарихтан белгілі. Алайда, ауызбіршілік пен татулықтың арқасында оның бәрі өткен шақтың еншісінде қалды. Алдағы уақытта да бауырлас Түркия халқына өркендеу мен гүлденуді тілеймін!", – деп атап өтті аймақ басшысы.
Түркия Республикасының құрылғанына 96 жыл
Сурет: Маңғыстау облысы әкімдігінің: Facebook

Түркияның экономикалық белсенділігі Маңғыстау өңірі үшін де едәуір үлесін тигізіп келеді. Маңғыстау мен Түркия елі арасындағы сауда-экономикалық байланыстың маңызы зор.

Түркия Республикасының құрылғанына 96 жыл
Сурет: Маңғыстау облысы әкімдігінің: Facebook

«Нұрлы жол» мемлекеттік бағдарламасын жүзеге асыру арқылы облысымыздың көлік әлеуеті артып келеді. Құрық порты жобасының арқасында Маңғыстау өңірі Азия мен Еуропаның алтын көпіріне айналып отыр. 2019 жылдың 8 ай көрсеткіші бойынша Маңғыстау облысымен Түркия Республикасының арасындағы тауар айналымы 211 млн. АҚШ долларын құрады.

Түркия Республикасының құрылғанына 96 жыл
Сурет: Маңғыстау облысы әкімдігінің: Facebook

Бұл көрсеткіш өткен жылмен салыстырғанда 22 есеге артық. Сондай-ақ, облысымызда құрылыс, құрылыс тастарын өндіру, мейрамханалар және қызмет көрсету саласында түрік капиталының қатысуымен 74 бірлескен кәсіпорын тіркелген.

Түркия Республикасының құрылғанына 96 жыл
Сурет: Маңғыстау облысы әкімдігінің: Facebook

Мақаланың түпнұсқасы: https://kaz.nur.kz/politics/1824839-trkia-respublikasyny-krylganyna-96-zyl-magystauda-saltanatty-sara-tti/

pixel