RU
Түркістан облысының тұрғыны көшеде келе жатып, ұрланған көлігін танып қойды

Түркістан облысының тұрғыны көшеде келе жатып, ұрланған көлігін танып қойды

Рассказать Вконтакте

Түркістан облысының полицейлері көлік ұрлап, оған басқа нөмір тағып айдап жүрген күдіктіні ұстады деп хабарлады өңірлік полиция департаментінің баспасөз қызметіне сілтеме жасаған Sputnik Қазақстан.

Көрнекі фото: pixabay.com

Көрнекі фото: pixabay.com

Ордабасы аудандық полицияcының кезекші бөліміне жергілікті тұрғын шағым түсіреді. Ол түнгі уақытта үйінің ауласында тұрған "Мерседес" маркалы автокөлігін белгісіз біреулер айдап кеткенін хабарлаған. Жәбірленушіге келтірілген шығынның жалпы көлемі 800 мың теңге болды. 

Қылмысты ашу мақсатында Ордабасы полицейлері жедел іздестіру жұмыстарын бастады. Тәртіп сақшылары үш күннен кейін күдіктіні Шымкент қаласында ұстаған. 

"Жәбірленуші көшеде кетіп бара жатқан бірнеше көліктің арасынан мемлекеттік нөмірі өзгертілсе де, өз көлігін танып қалады. Полицейлер көлікті тоқтатып, жүргізушіден жауап алу барысында оның іздестіріліп жүрген күдікті екенін анықтайды. Ол Шымкент қаласының тұрғыны болып шықты", – деп жазылған хабарламада.

Күдікті полицейлерге берген жауабында көліктің кілтімен тұрғанын көріп, ауладан итеріп шығарып, айдап кеткенін мойындаған.

Жоғалған көлік айғақ зат ретінде алынып, заңды иесіне қайтарылды. 

Тергеу барысында күдікті сыбайласымен бірге мал ұрлығын жасағаны анықталды. Күдіктілер жәбірленушінің қазыққа байланып тұрған бұзауын ұрлап кеткен.

Жәбірленушіге келтірілген шығын көлемі 110 000 теңгені құраған. Күдіктінің айтуымен сыбайласы да ұсталды.

Сіздің реакцияңыз
1
1
0
0
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel