Димаш Құдайберген депутат Дана Нұржігітке өзінің әтірін сыйлады (видео)

Танымал тележүргізуші, сенат депутаты Дана Нұржігіт Димаш Құдайбергеннен әтір сыйға алды. Бұл жайлы ол өзінің Instagram парақшасында мәлімдеді деп жазады KAZ.NUR.KZ.

Дана Нұржігіт өз жазбасында алдымен Димашқа осындай тәрбие берген ата-анасына алғыс айтқан.

"Жұмыс күнінің соңында тосын сый. Димаш Құдайберген әтір сыйлады...

Қанат, Света Айтбаевтардың тәрбиесін көрген деген...

Димашжан, қашан да тілектеспіз! Ел байрағын желбіретіп, самғай бер!", - деп жазған ол.

Желі қолданушылары әншінің аталмыш әрекетіне тәнті болған.

"Жарайсың Димаш", "Өте керемет", "Сыйластықтарыңыз арта берсін", - деген тілектерін жаудырып жатыр көпшілік.