RU
Әбу-Даби маңындағы өрт: Нұр-Сұлтанда жарықтың не үшін сөнгені белгілі болды

Әбу-Даби маңындағы өрт: Нұр-Сұлтанда жарықтың не үшін сөнгені белгілі болды

Рассказать Вконтакте

Нұр-Сұлтан әкімдігінде сол жағалаудағы бірқатар ауданның не себепті жарықсыз қалғанын айтып берді – барлығы Әбу-Даби Плаза құрылысы аумағындағы өрттен басталды деп хабарлайды KAZ.NUR.KZ.

Нұр-Сұлтан. Фото: Максим Золотухин

Нұр-Сұлтан. Фото: Максим Золотухин

"Түтіннің белгілері пайда бола бастаған соң біз қосалқы стансаны толығымен өшіруге шешім қабылдадық. Себебі сол сәтте автоматтардың іске қосылып, нысандардың өшуіне не себеп болғанын білмедік.
Кейіннен себебі анықталды – қосалқы стансадан 250 метр қашықтықта Сығанақ пен Ақмешіт көшелерінің қиылысындағы Әбу-Даби Плазаның бұрышында лотоктардағы кабель желісінде өрт шыққан.
60 метрге жуық кабель өртенген – жаппай жарықтың сөнуі осыған байланысты орын алды", – деп түсіндірді қалалық отын-энергетика кешені басқармасының басшысы Ернат Бәзіл.

Ол өрттің ауқымы кең болғанын, 60-70 метрге жуық кабелдің жанғанын жеткізді. Айтуынша, өртті сөндіру үшін түнгі уақытта бетон плиталар алынып, асфальтті кесуге тура келген.

Болжам бойынша, өрт қысқа тұйықталу әсерінен болған. Премьер-министрдің орынбасары Роман Скляр бастаған арнайы комиссия апаттың мән-жайын толық анықтайды.

Еске сала кетейік, Нұр-Сұлтан қаласы сол жағалауының бірнеше бөлігінде Байтеректен бастап Әбу-Даби Плазаға дейін, Ақордадан бастап Москва бизнес орталығына дейінгі аумақта жарық өшкені мәлім болды.

Мемлекет басшысы Қасым-Жомарт Тоқаев үкіметке арнайы комиссия құрып, кінәлілерді анықтауды тапсырды.

Ішкі істер министрлігі апатқа қатысты қылмыстық іс қозғалғанын мәлімдеді.

Сіздің реакцияңыз
0
0
0
0
0
1
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel