RU

Фатима Жақыпова антиплагиат шешімінің негізсіз екенін мәлімдеді

Ғылыми еңбегіндегі плагиат дауына байланысты бұқаралық ақпарат құралдарында есімі жиі аталып жүрген білім вице-министрі Фатима Жақыпова "антиплагиат шешімінің негізсіз" екенін мәлімдеді деп хабарлайды KAZ.NUR.KZ.

Фатима Жақыпова. Фото Facebook парақшасынан алынды
Фатима Жақыпова. Фото Facebook парақшасынан алынды: UGC

Сәйкес мәлімдемесін ол өзінің Facebook парақшасында жариялады.

Айтуынша, оның ғылыми еңбегі ресейлік және польшалық антиплагиат жүйелерімен тексерілген.

"Кейбір адамдар тек сандық деректердің негізінде плагиаттың бар-жоғы туралы тұжырым жасап, осылайша қалың көпшілікті адастырады", – деп жазды вице-министр.

Ол ғылыми еңбекті жазу кезінде автор дереккөзге сілтеме жасаған күннің өзінде де жүйенің механикалық түрде базадағы бар мәтіндерді салыстыратынын атап өтті.

Вице-министр өз диссертациялық жұмысын Turnitin деп аталатын ғылыми еңбектің бірегейлігін тексеретін жаңа бағдарламада қайта тексеріп шыққанын алға тартты. Айтуынша, аталған бағдарламада оның ғылыми еңбегінің бірегейлігі 87% көрсеткен.

Мақаланың түпнұсқасы: https://kaz.nur.kz/1826712-fatima-zakypova-antiplagiat-sesimini-negizsiz-ekenin-mlimdedi.html