RU

Тоқаевтың Қырғызстанға мемлекеттік сапармен қашан баратыны белгілі болды

Президент Қасым-Жомарт Тоқаевтың Қырғызстанға мемлекеттік сапары 27 қарашаға жоспарланған. Қазақстан президенті Ұжымдық қауіпсіздік келісімі саммитіне қатыспақ деп хабарлайды KAZ.NUR.KZ.

Фото: NUR.KZ
Фото: NUR.KZ: Original

Қырғызстан президентінің ресми сайтында хабарланғандай, Сооронбай Жээнбеков Қырғыз Республикасының сыртқы саясат ведомствосының басшысы Чынгыз Айдарбековпен кездесу өткізген. Ол Қасым-Жомарт Тоқаевтың мемлекеттік сапарына дайындық барысын айтқан.

Сондай-ақ көрші елдің сыртқы істер министрі алда өтетін Ұжымдық қауіпсіздік келісімі саммитіне дайындық жұмыстары қалай өтіп жатқанын хабарлаған.

Саммит 28 қарашада өтеді. Қасым-Жомарт Тоқаевтан бөлек, Беларусь, Ресей, Тәжікстан басшылары және Арменияның премьер-министрі қатысады.

Sputnik Қазақстан басылымының хабарлауынша, Қазақстан мен Қырғызстан алдағы үш жылға ынтымақтастық бағдарламасын қабылдайды деп күтілуде.

Мақаланың түпнұсқасы: https://kaz.nur.kz/1826720-tokaevty-kyrgyzstanga-memlekettik-saparmen-kasan-baratyny-belgili-boldy.html