RU

Головкин Джейкобспен реванш өткізуі мүмкін

Рассказать в Telegram Рассказать Вконтакте

Геннадий Головкиннің бірлескен промоутері Эдди Хирн америкалық боксшы Дэниел Джейкобстың келешегі жөнінде пікір білдірді деп хабарлайды KAZ.NUR.KZ Sports.kz-ке сілтеме жасай отырып.

Оның айтуынша, егер америкалық боксшы мексикалық Хулио Сесар Чавеспен өтетін жекпе-жекте жеңімпаз атанса, оның Геннадий Головкинмен реванш өткізуге мүмкіндігі болады.

"Джейкобс үшін қазір жақсы мүмкіндіктер пайда болды. Егер Чавеске қарсы жақсы жекпе-жекте өзін жақсы қырынан таныта алса, ол Смитпен, Сондерспен кездесіп немесе Головкинмен реванш өткізе алады. Барлығы DAZN-мен жұмыс істейді. Сондықтан да бұл Джейкобс үшін дұрыс таңдалған жекпе-жек", – деп мәлімдеді Эдди Хирн.

Еске сала кетсек, Геннадий Головкин мен Дэниел Джейкобс 2017 жылы кездескен болатын. Жекпе-жекте төрешілердің бірауыздан қабылдаған шешімімен қазақстандық боксшы жеңіске жетті.

Алайда, бұл шешіммен келіспеген мамандар мен фанаттар да көп болған еді.

Ал қазақстандық кәсіпқой боксшы Геннадий Головкин келесі жекпе-жегін 2020 жылы қыстың аяғында немесе көктемнің басында өткізеді Ол орта салмақтағы IBF чемпиондық белбеуін міндетті түрде қорғау үшін поляк боксшысы Камил Шереметамен жұдырықтасуы қажет.

Тағы да оқыңыздар
Жүктеу...
Головкин Джейкобспен реванш өткізуі мүмкін
Mailfire view pixel