RU
Көкшетауда жоғалған 16 жастағы студент қыз елордадан табылды

Көкшетауда жоғалған 16 жастағы студент қыз елордадан табылды

Рассказать Вконтакте

Ақмолалық полицейлер 16 жастағы колледж студентін астанадағы ойын-сауық орындарының бірінен тапты. Қазіргі таңда Расула Жанашева туыстарының жанында деп хабарлайды ҚазАқпарат агенттігі.

Көрнекі фото: Ernur.kz

Көрнекі фото: Ernur.kz

Ведомствоның мәліметінше, кәмелет жасына толмаған қыздың жоғалғаны туралы мәлімдемеден соң тәртіп сақшылары бірден кешенді іздеу шараларына кіріскен. Қала арасында қатынап, жолаушы тасымалдайтын көлік құралдары, көңіл көтеретін орындар мен басқа да халық көп жүретін жерлер тексерілді.

Қыздың суреті мен сырт белгілері көрсетілген қағаздар Ақмола облысы бойынша барлық аумақтық бөлімдерге, сонымен қатар көршілес облыстарға, Нұр-Сұлтан қаласына жолданды.

Бірнеше күн ішінде полицейлер іздеу жұмысын бір сәтке де үзген жоқ. Криминалдық және ювеналдық полиция қызметкерлерінен арнайы іздеу тобы құрылды.

"16 жасар Расула Жанашева кеше кешкісін астаналық бір дәмханадан табылды. Онда қыз мас күйде отырды және үйіне қайтуға қарсылық білдірді. Қазіргі таңда кәмелет жасына толмаған қыз әкесінің жанында", - деп мәлім етті полициядан.

Тәртіп сақшыларының айтуынша, балалардың жоғалуы әрқашан қоғамдық резонанс туғызады. Полицейлер жоғалған балаларды табу үшін орасан көп жұмыс атқарып, тер төгеді. Оған үлкен адами және техникалық ресурс жұмсалады.

Сіздің реакцияңыз
0
0
0
2
1
1
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel