RU

Виктор Храпунов: Мені Женевада ұрлап әкетпек болды

Telegram logo VKontakte logo

Алматының бұрынғы әкімі Виктор Храпунов Женевада біреулердің оны ұрлап әкетуге тырысқанын мәлімдеді деп хабарлайды KAZ.NUR.KZ.

Виктор Храпунов. Фото: inbusiness.kz

Виктор Храпунов. Фото: inbusiness.kz: Facebook

Қазіргі уақытта Швейцарияда тұратын, Қазақстанда алаяқтық пен сыбайлас жемқорлық бойынша сырттай 17 жылға сотталған Алматы қаласының бұрынғы әкімі Виктор Храпунов Tribune de Genève газетіне берген сұхбатында өзін біреулердің ұрлап әкетпек болғанын мәлімдеді.

Сұхбатының аудармасын ол Facebook парақшасында жариялады.

Сондай-ақ Храпунов Швейцарияда өзіне қатысты қозғалған қылмыстық істің тоқтатылғанын мәлім етті. Оған жүздеген миллион доллар қаражатты жылыстады деген айып тағылған болатын. Істің қаралуы жеті жылға созылды.

"Жеті жыл – бұл ұзақ мерзім. Бұл сотпен қудалауды еске алғанда, әрине, іштей қынжыласың. Кейде дәл осы Женевада режим агенттерінің қатысуымен апталап жауап алды. Осы жылдар бойы экстрадициядан қорқып өмір сүрдім.
Қазақстан бізге қарсы бүкіл тетіктерін іске қосты. Тіпті, Криста Марквальдер секілді аңқау (швейцариялық) парламентарилерді алдап соқты. Сол сәтте көлеңкеде әрекет еткен режимнің шабармандары мені Женевада ұрлап әкетуге тырысты", – деп мәлімдеді ол.

Сондай-ақ Храпунов осы мәселеге байланысты Швейцария билігіне реніші жоқ екенін, және күндердің күнінде Қазақстанға оралуға үміті барын жеткізді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Виктор Храпунов: Мені Женевада ұрлап әкетпек болды