Әнші Бүркітті ардагерлер өзімен аттас медальмен марапаттады (фото)

Отандық шоу-бизнестегі жарық жұлдыздардың бірі Бүркіт ерекше марапатқа ие болды. Арнайы мақсаттағы бөлініс "Бүркіт" ардагерлер басшылығы өнер иесіне 20 жылдық "Бүркіт" медалін табыстаған деп жазады KAZ.NUR.KZ.

Бүркіт жаңа жетістігі туралы Instagram желісінде айтып мақтанған. Қызығы, әншінің медалі оның өнердегі лақап атымен бірдей.

"Бүгін 11 -ші желтоқсан күні Арнайы мақсаттағы бөлініс "Бүркіт" ардагерлер басшылығынан 20 жылдық "Бүркіт" медалімен марапатталдым! Рахмет" , - деп жазды эстрада жұлдызы.

Айбек Жансейітовтің бұл жетістігіне онымен бірге қуанған желі қолданушылары өнер иесін құттықтап, оған деген ізгі әрі ақ тілегін жаудырған.

"Құтты болсын, тек қана алға" , "Үлгі тұтар ағасыз" , "Сізге ризамын. Қай марапатқа болсын лайықсыз" , "Құтты болсын марапатыңыз! Мен 5570 әскери бөлімінде әскери борышымды өтедім. Бізде де Бүркіт арнайы бөлімшесі болды. Ондағы мықты азаматтарды мерейтойларымен құттықтаймын!!! Құтты болсын" , "Құтты болсын, еңбегіңіздің жемісін көре беріңіз" , "Құтты болсы ағасы, жетістіктерінің көбейе берсін" , - деп жазуда көпшілік.