RU

БҚО-да жаңбыр үшін ақша жинаған ауыл әкімінің қызметі жоғарылады

БАҚ бірнеше жыл бұрын жаңбыр шақыру рәсімін өткізу үшін елден ақша жинаған Батыс Қазақстан облысы Лубенск ауылдық округінің бұрынғы басшысының өңірдің бір ауданы әкімінің орынбасары болды деп хабарлайды KAZ.NUR.KZ.

БҚО-да жаңбыр үшін ақша жинаған ауыл әкімінің қызметі жоғарылады
Фото: chingirlau-bko.gov.kz: UGC

Азамат Бисембаев 2011 жылы Лубенск ауылдық округін басқарды. Сол кезде жергілікті тұрғындар әкімнің ауыл тұрғындарына өтініш білдіргенін айтты. Ол жаңбыр түріндегі жауын-шашынды шақыру рәсімін өткізу үшін ақша жинауға ұсыныс тастады деп хабарлайды "Уральская неделя".

Сол кезде тұрғындардың бірінің сөзінше, адамдар өтінішке жауап берді. Ауыл тұрғындары 500 теңге, такси жүргізушілері мен шаруа қожалықтарының басшылары - мың теңгеден тапсырды. Бұл жағдай көктемнің соңында болды.

Алайда басылым атап өткендей, жаз бойы садақа берілген жоқ. Көпшіліктің қысымымен ауылдық округ басшысы уәдесін қыркүйектің соңында ғана орындады.

Дегенмен тұрғындар тағы да риза болмады. Олардың сөзінше, құрбандыққа сиырды шаламыз деп уәде берәлген, алайда тек 2 қой ғана сойылыпты. Сондай-ақ, олар ақшан өткізген адамдардың тізімі көрсетілмегеніне наразылық білдірді.

Жуырда басылымға Азамат Бисембаевтың Батыс Қазақстан облысы Шыңғырлау ауданы басшысының орынбасары болып жұмыс істейтіні белгілі болды. Бұл ақпарат облыс әкімінің аппаратында расталды.

Журналистер шенеуніктің өзімен сөйлесуге тырысты, алайда әзірге бұл мүмкін болмады. БАҚ өкілдері ол әлі де олармен байланысады деп үміттенеді.

Айта кетейік, Азамат Бисембаевтың басшы орынбасары екендігі туралы ақпарат Шыңғырлау ауданы әкімдігінің ресми интернет-ресурсында бар.

Оригинал статьи: https://kaz.nur.kz/1831900-bko-da-zabyr-sin-aksa-zinagan-auyl-kimini-kyzmeti-zogarylady.html