RU

Қазақстанда жалпыға бірдей декларациялау бір жылға кейінге шегерілді

Telegram logo VKontakte logo

Қазақстанда жалпыға бірдей декларациялау бір жылға кейінге шегерілді. Ол 2021 жылдың 1 қаңтарынан бастап кезең-кезеңімен енгізілмек. Бұған дейін декларациялау мерзімі 2020 жылдың 1 қаңтарынан басталады делінген деп хабарлайды KAZ.NUR.KZ.

Көрнекі фото: NUR.KZ

Көрнекі фото: NUR.KZ: Original

2021 жылдың 1 қаңтарынан басталатын бірінші кезеңде декларацияны мемлекеттік функцияларды орындауға уәкілетті басшы лауазымдардағы мемлекеттік қызметшілер, сондай-ақ оларға теңестірілген адамдар тапсыруы керек.

Сондай-ақ жоғарыда аталған азаматтардың күйеулері мен әйелдері де өздерінің табысы жайлы декларация тапсыруға міндетті.

Декларациялаудың екінші кезеңі 2023 жылдың 1 қаңтарында басталады. Ол кезде мемлекеттік мекемелер қызметкерлері, мемлекеттік сыңайлы сектор субъектілері және сол тұлғалардың жұбайлары (зайыбы) декларация тапсырады.

2024 жылдың 1 қаңтарында басталатын үшінші кезеңде заңды тұлғалардың басшылары мен құрылтайшылары, жеке кәсіпкерлер және олардың жұбайлары декларация тапсырады.

2025 жылғы 1 қаңтардан бастап азаматтардың қалған санаттары декларация тапсырмақ.

Еске сала кетсек, бұған дейін ел президенті Қасым-Жомарт Тоқаев жалпыға бірдей декларациялау мерзімін өзгертетін заңға қол қойған.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Қазақстанда жалпыға бірдей декларациялау бір жылға кейінге шегерілді