Тоқаев: Қазақстан мемлекеттік басқаруды реформалауды бастады

Мемлекет басшысы Қасым-Жомар Тоқаев кадрлық резерв қызметкерлерімен кездесуде Қазақстан мемлекеттік басқаруды реформалауды бастағанын мәлімдеді. Осыдан кейін біздің елдің азаматтарының шенеуніктерге деген түсінігі өзгеруі керек деп хабарлайды KAZ.NUR.KZ.

Мемлекет басшысы Қазақстанда жаһандық өзгерістерге байланысты мемлекеттік басқаруға деген көзқарасты қайта қарау керектігін мәлімдеді. Қазақстандықтар мемлекеттік шешімдерді қабылдауға ашық түрде қатысуы, ал шенеуніктер халық алдында ашық болуы тиіс.

Тоқаевтың айтуынша, шенеуніктің мінез-құлқы мен жұмыс принципі адамдар оны "таңдалған" және "қол жетімді емес" деп қабылдамайтындай болғаны дұрыс.

Осы ретте мемлекеттік қызметшілерді адамдардың өзі бағалауы тиіс. Тек шенеуніктердің іс-әрекеті ғана емес, сонымен бірге барлық өңірлердің бюджеттері де ашық болуы керек.

Бүгін Ақордада президенттік кадрлық резервке енген үш жүз қатысушы жиналды. Президент болашақта үкіметтің тізбегі резервке алынған жастардың қолында болатынын, сондай-ақ олардың жеке жетістіктерінің тарихы басталғанын мәлім етті.

Айта кетсек, Тоқаев кездесуді белгіленген уақыттан 5 минутқа ерте бастаған.

Ең маңызды әрі қызықты жаңалықтарды біздің Telegram арнамыздан оқыңыздар!