RU
Түркістан облысында ер адам айыппұл тұрағындағы 8 бірдей көлікті өртеп жіберген (фото)

Түркістан облысында ер адам айыппұл тұрағындағы 8 бірдей көлікті өртеп жіберген (фото)

Рассказать Вконтакте

Түркістан облысында арам пиғылды азамат Сайрам ауданы Қарасу округіндегі айыппұл тұрағына қойылған көліктерді өртеп жіберді. Бұл туралы KAZ.NUR.KZ polisia.kz сайтына сілтеме жасап хабарлайды.

Фото: polisia.kz

Фото: polisia.kz

Өртке қарсы қызмет пультіне өрт жайлы ақпарат таңғы 05:55 шамасында келіп түскен. Қабылданған шаралар арқылы 8 минуттан кейін өрт сөндірушілер өртті ауыздықтап, сағат 06:38-де сөндірген. Қаза тапқандар мен зардап шеккендер жоқ. Төтенше жағдай салдарынан 38 көліктің 8-іне материалдық шығын келді.

Қаскөйдің әрекеті тұрақ аумағындағы бейнебақылау камерасы объективіне түсіп қалған. Бүгінде азаматтың тұлғасы анықталды. Ол жуырда полиция қызметкерлеріне мас күйінде құжатсыз көлік жүргізгені үшін ұсталған Сайрам ауданы Манкент ауылының тұрғыны болып шықты.

Фото: polisia.kz

Фото: polisia.kz

Тәртіп бұзушы әкімшілік жауапкершілікке бірінші рет тартылған, автокөлік айыппұл тұрағына қойылған. Ал түнде күдікті дуалдан секіріп кіріп, өз автокөлігін өртеген. Артынша оқиға орнынан таса болған.

Жедел-іздестіру жұмыстары барысында азамат ұсталып, аудандық полиция бөлімі уақытша ұстау изоляторына жіберілді. Ол өз кінәсін мойындаған.

Фото: polisia.kz

Фото: polisia.kz

Аталмыш факті бойынша сот алды тергеу жұмыстары Қылмыстық кодекстің 202- бабы 2- бөлімі бойынша (Бөтен адамның мүлкін қасақана жою немесе бүлдіру) жүріп жатыр. Ол бас бостандығынан 7 жылға дейін айыруды қарастырады.

Естеріңізге сала кетейік, Ішкі істер министрлігі Қазақстан аумағында сенімхат арқылы ресейлік нөмірмен автокөлік мініп жүрген азаматтарға не істеу керектігін айтты.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Mailfire view pixel