RU
Тоқаев Нұр-Сұлтандағы қар тазалау челленджін қолдады

Тоқаев Нұр-Сұлтандағы қар тазалау челленджін қолдады

Рассказать Вконтакте

Елорда жастары әлеуметтік желіде қар тазалау бойынша челлендж бастады. Олар тұрғындарды өз ауласындағы қарды тазалап, оны бейнежазбаға жазып, #Бізбіргеміз хештегімен әлеуметтік желіге салуға шақырды. Аталған бастаманы мемлекет басшысы Қасым-Жомарт Тоқаев та қолдады деп хабарлайды KAZ.NUR.KZ.

Фото: twitter.com/TokayevKZ, instagram.com/rtdkz, astana.gov.kz

Фото: twitter.com/TokayevKZ, instagram.com/rtdkz, astana.gov.kz

Нұр-Сұлтан жастарының бастамасын "Базар жоқ" театрының директоры Тұрсынбек Қабатов, журналист Асхат Садырбай және "Назар аудар" театрының қатысушылары қолдап, жазба қалдырған еді.

Қазақстан президенті Қасым-Жомарт Тоқаев өзінің twitter парақшасында бұл бастаманы қолдайтынын атап өтті.

"Белгілі артист Тұрсынбек Қабатовтың астанамыздың аулаларын қардан тазартып, #БізБіргеміз хештегімен видео жариялау туралы ұсынысын қолдаймын. Волонтер жылына сай бастама", – деп жазды мемлекет басшысы.

Айта кетейік, құтқарушылар Нұр-Сұлтанда қатты боранның соғуына байланысты елордалықтардың жұмыс күнін қысқартуды сұрады.

Қалалық төтенше жағдайлар департаментінің басшысы Бауыржан Сыздықовтың айтуынша, елордада жел екпіні секундына 23 метрге дейін күшеюі мүмкін.

Сондай-ақ "Қазгидромет" мамандары Нұр-Сұлтандағы дауылды боран 25 қаңтарға дейін жалғасады деген болжам жасады.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Mailfire view pixel