RU
Президент Ұлттық қордан бөлек қосымша қор құруға тыйым салды

Президент Ұлттық қордан бөлек қосымша қор құруға тыйым салды

Рассказать Вконтакте

Ұлттық банктің төрағасы Ерболат Досаев Нұр-Сұлтанда өтіп жатқан үкіметтің кеңейтілген отырысы барысында ел президентіне атқарылған жұмыстар туралы баяндады деп хабарлайды KAZ.NUR.KZ.

Фото: NUR.KZ

Фото: NUR.KZ

"Сыртқы нарықтардағы ахуалдың тұрақсыздығына және мұнайдың орташа жылдық бағасы 2018 жылғы бір баррель үшін 71,7 АҚШ долларынан 2019 жылы бір баррель үшін 64,2 АҚШ долларына дейін төмендегеніне қарамастан, жалпы халықаралық резервтер өткен жылы 2,3 пайызға ұлғайып, 91 млрд АҚШ долларын құрады. Оның ішінде алтын-валюта резервтері – 29 млрд АҚШ доллары, Ұлттық қордың активтері – 61,9 млрд АҚШ доллары болды", - деді Досаев.

Ұлттық банк төрағасының айтуынша, ағымдағы шот дефициті 2019 жылғы 9 айда 4,3 млрд АҚШ долларын құрады.

Тапшылықтың 2018 жылмен салыстырғанда ұлғаюы азық-түлікке жатпайтын және инвестициялық тауарлардың импортының ұлғаюы салдарынан жалпы импорттың 2,7 млрд АҚШ долларына өсуіне негізделді.

"Сонымен қатар, алтынның жаңа портфелін құруда қолдағаныңыз үшін алғысымды білдіремін. Ол да өзінің тұрақтылығын алып келді. Біз былтыр 1 миллиард доллар қалыптастырдық, биыл оны 1 миллиардқа ұлғайтамыз.
Сондықтан бұл жұмыс жалғасып, біз 2020 жылдың қорытындысы бойынша қолданыстағы нарықтардағы құбылмалылықты ескере отырып, ұлттық қордан оң нәтиже аламыз деп үміттенеміз", - деді Досаев.

Өз кезегінде президент Ұлттық қордың бірегейлігін атап өтті.

"Елбасының бастамасымен құрылған Ұлттық қор баламасыз институт болып саналады. Қандай да бір қосымша қорларды құруға жол берілмейді және рұқсат етілмейді. Бұл мақсат Үкімет, Ұлттық қор және жаңадан құрылған агенттік алдында тұр деп ойлаймын", - деді президент.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Mailfire view pixel