Алматылық полиция департаментіне жаңа басшы тағайындалды

Бүгін Алматыда полиция департаментінің жаңа басшысы тағайындады. Серік Мырзақұлұлы Күдебаевтың орнын осы күнге дейін Каспий маңы - Маңғыстау облысы полиция департаментін басқарған Қанат Таймерденов иеленді деп хабарлайды KAZ.NUR.KZ.

Қанат Даниярұлы Таймерденовтың жасы 46-да, ол Алматы облысында дүниеге келген. Мамандығы бойынша заңгер, 2003 жылы ІІМ академиясын бітірген.

Таймерденов органдағы қызметін 1995 жылы Алматы облысының Қаскелең ауданында офицер қызметінен бастады. Алматы облысы және Алматы қаласы бойынша Ұйымдасқан қылмысқа қарсы күрес басқармасы бастығының орынбасары болып жұмыс істеді.

2012-2017 жылдары Алматы қаласы Ішкі істер департаменті басшысының орынбасары болды. Таймерденов 2018 жылдан бастап Маңғыстау облысының бас полиция қызметкері болып келген.

Таймерденов полковник дәрежесіне ие, үйленген, бес баласы бар.

Lada.kz басылымының хабарлауынша, бұған дейін Таймерденов 2019 жылдың қорытындылары туралы есеп беріп, 2019 жылы аймақта үш мыңнан астам қылмыстың ашылғанын айтқан болатын. Оның айтуынша, қылмыс 12 пайызға төмендеді.

Естеріңізге сала кетейік, бүгін Серік Күдебаевтың Алматы полиция департаментінің басшысы қызметінен кететіні белгілі болды, қазір мегаполистің бұрынғы полиция басшы Алматы облысына ауыстырылды. Бұған дейін Алматы облысы бойынша департаменттің басшысы Мұрат Үрімханов болған.

Ең маңызды әрі қызықты жаңалықтарды біздің Telegram арнамыздан оқыңыздар!