Top.Mail.Ru

Сайт нұсқасы

ru kz

Зектілері

Қарағанды облысында үш жігіт мешітте қайтыс болды

Опубликовано:

Қарағанды облысының Ақтоғай ауылындағы орталық мешіт ішінде үш бірдей азамат иіс тиіп, көз жұмды деп хабарлайды KAZ.NUR.KZ Хабар 24-ке сілтеме жасап.

Көрнекі фото: NUR.KZ
Көрнекі фото: NUR.KZ: Original

Марқұмдардың жасы 20-дан енді ғана асқан. Бірі сол мешіттің от жағушысы болса, тағы екеуі ауыл тұрғындары.

Олар 28 қаңтар күні түс ауа Алла үйіне келген. Боран салдарынан жарық сөніп қалып, жылыту пешін дизельді генератор арқылы іске қосып, ұйықтап қалған.

Сұлық жатқан жігіттерді мешіт жамағатының бірі көріп, хабарлаған. Ауруханаға жеткізілгенімен алайда жігіттер есін жимаған.

"Мешітте сұлық жатқан үшеуін өз көлігімен ауруханаға жеткізген жергілікті азаматтың айтуынша, жігіттер уланып қалған. Ауруханаға әкелгенде олардан биологиялық өлім белгілері байқалған. Сондықтан ешқандай медициналық көмек көрсетілмеді. Нақты себебін сот-медициналық сараптама нәтижесі анықтайды", - дейді ахуалдық орталық меңгерушісі Ерік Шонбаев.

Еске сала кетсек, 8 қаңтарда Қаскелеңдегі көпқабатты үйлердің бірінде газ-ауа қоспасы жарылып, оқиға орнында 10 жасар бала мерт болды.

Тағы жеті адам түрлі жарақат алған. Олардың ішінде үшеуі бала.

Сондай-ақ, аталған оқиғадан соң 81 жастағы қарияның да көз жұмғаны хабарланды.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/society/1838631-karagandy-oblysynda-s-zigit-mesitte-kajtys-boldy/

pixel