RU

Жаңа «Інжу» телехикаясы көрерменге ұсынылады

Қазіргі өмірімізде кейде не жетпейді? Әділдік! Иә, жазадан жалтарған байлармен күресіп, әлемнен әділдік іздеп шарқ ұрған жандар қаншама? Ақкөңіл де, аңғал адамдардың арманының бір-ақ күнде күлі көкке ұшып жатқаны өтірік пе? Міне, КТК арнасының көкірегіңді қарс айыратын–  «Інжу» драмасы тап осыны бейнелейді.   

ктк реклама
Кадр: КТК: Instagram

Басыңа ауыр қайғы түссе не істейсің? Мұңыңды ішіңе сақтайсың ба? Көңіл қазы, көз таразы....

Опасыз тағдырыңа лағынет айтып шектеліп, қол қусырып отырасың ба? Қандай әрекет істеп, қандай қадам жасайсың? Көңілде дақ қалады...

ктк реклама
Кадр: КТК: Instagram

Қарындасың, әпкең, қызың, сіңлің дүниеге есірген, көйлегі көк, тамағы тоқ бай баласынан зорлық көрсе не істейсің? Жүрекке қаяу салады...

Жақыныңның өмірі ойраны шығып, сатқындыққа, қатігездікке тап болса, оның тауқыметін қалай көтересің? Көңілің құлазиды...

ктк реклама
Кадр: КТК: Twitter

Қазір қоғамда бай, кедей деген тап өкілдері бар. Соның ішінде байлар, өмірде бәрі бар – үй, ақша, жағдай. Бардан басы айналып өмірінің қызығы қалмағандар бар. Барын ысырапқа, ақылсыздыққа, нашақорлыққа, ішімдікке бергендер бар.

ктк реклама
Кадр: КТК: Instagram
 "Елімізде күн сайын небір сұмдық оқиға болып жатады. Мені ойландыратыны, жаманға етіміз үйреніп бара жатқан жоқ па? Таң қалдыратыны – немқұрайлық, селқостық.  Зорлық көрген зарлап қалса, қаскөй қасқайып жүрсе не істейміз? Басын тауға да, тасқа да соққан адам не істеу керек, күйзелісімен қалай күреседі? Меселі қайтып, салы суға кеткен жанның өмірі қандай болмақ?" - деп «Інжу» драмасының режиссері Андрей Сухоногин айтқан.

Бұл сұрақтардың жауабын шытырман оқиғалы «Інжу» драмасынан табасыз. Картина махаббат, сатқындық, қатыгездікті көрсете отырып, қоғамның шындығын жеткізуге тырысады.

Жүрегіңді кейде елжіретіп, жібітіп, кейде қарс айырып, удай ашытып, тас төбеңнен шығаратын КТК-ның «Інжу» телехикаясын YouTube арнасынан қараңыздар!

Мақаланың түпнұсқасы: https://kaz.nur.kz/1839101-zaa-inzu-telehikaasy-krermenge-synylady.html