RU

Қостанайда мас күйінде көлік жүргізген полицей темір торға қамалды

Рассказать в Telegram Рассказать Вконтакте

Қостанай қаласында мас күйінде көлік жүргізген тәртіп сақшысы қызметінен босатылды деп хабарлайды KAZ.NUR.KZ порталы Астана телеарнасына сілтеме жасап.

Көрнекі фото: NUR.KZ

Көрнекі фото: NUR.KZ

Телеарна дерегінше, арақ ішіп алып, "Аристо" көлігін айдаған аға-лейтенантты әріптестері рейдтік шара кезінде ұстаған.

Тексеру барысында тәртіп сақшысының еңбек демалысында жүргені анықталды.

Сот шешімімен полиция қызметкері 7 жылға жүргізуші куәлігінен айрылып, 15 тәулікке темір торға тоғытылған.

Одан бөлек, тәртіптік кеңестің шешімімен аға-лейтенат қызметінен қуылды.

Осы іске байланысты Қостанай облыстық полиция департаменті баспасөз қызметінің бас маманы Кенже Қонысбай пікір білдірді.

"Осы жедел алдын-алу іс шарасы аясында айтқым келеді ешкімге, ешкімнің де лауазымына дәрежесіне қарамастан ішімдік ішіп рөлге отырған адамды біз заң жүзінде жазаға тартатын боламыз. Бұл жедел алдын-алу іс шарасы Қостанай облысында ішімдік ішудің деңгейі азайғанға дейін жалғасатын болады", - деді ол.

Еске сала кетсек, ақпан айынан өңірде "Мас жүргізуші-қылмыскер" атты рейд басталды. Жедел алдын-алу шарасы алты айға созылмақ.

Қостанай облысында бір айда 25 көлік жүргузші куәлігінен айрылып, уақытша қамауға алынған.

З. Санай

Тағы да оқыңыздар
Жүктеу...
Қостанайда мас күйінде көлік жүргізген полицей темір торға қамалды
Mailfire view pixel