RU
Президент әкімшілігі жанынан жаңа орталық құрылды

Президент әкімшілігі жанынан жаңа орталық құрылды

Рассказать Вконтакте

Президент әкімшілігі жанынан әлеуметтік-экономикалық реформаларды талдау және мониторингтеу орталығы құрылды деп хабарлайды KAZ.NUR.KZ.

Ақорда. Фото: Sputnik/ Абзал Калиев

Ақорда. Фото: Sputnik/ Абзал Калиев

Бұл туралы мемлекет басшысының баспасөз хатшысы Берік Уәли өзінің Facebook парақшасында мәлім етті.

Қасым-Жомарт Тоқаев мұндай институт құру туралы 2020 жылдың 24 қаңтарында өткен үкіметтің кеңейтілген отырысында айтқан болатын.

Орталыққа президент әкімшілігі басшысының әлеуметтік-экономикалық мәселелер жөніндегі орынбасары Тимур Сүлейменов басшылық етеді.

Президенттің баспасөз хатшысы хабарлағандай, орталықтың құрамына экономика және қаржы саласы бойынша белгілі қазақстандық сарапшылар кіреді.

Орталықтың негізгі міндеті – бейтарап сараптама әзірлеу және әлеуметтік-экономикалық реформаларды жедел жүзеге асыру үшін нақты ұсыныстар дайындау.

Еске сала кетейік, үкіметтің кеңейтілген отырысында Қасым-Жомарт Тоқаев мемлекеттік басқаруды реформалауды тапсырған болатын.

Ол мемлекеттік қызметкерлердің менталитеті мен жұмыс стилі нәтижеге бағытталған болуы керектігін, үнемі хат алмасуға негізделмеуі қажеттігін ескертті.

Сондай-ақ президент бұған дейін үкіметке бюджет шығынын, атап айтқанда, имидж құру іс-шараларының шығындарын оңтайландыру туралы нұсқау бергенін атап өтті.

Ол одан әрі қажетсіз шығындарға мораторий енгізуді ұсынды.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Mailfire view pixel