Top.Mail.Ru

Сайт нұсқасы

ru kz

Зектілері

Мырзахметов Қордай ауданында төтенше жағдай режимін жариялады

Опубликовано:

Жамбыл облысы Қордай ауданындағы Масанчи ауылында болған жантүршігерлік жағдайдан кейін өңір басшысы Асқар Мырзахметов ауданда төтенше жағдай режимін жариялады деп хабарлайды KAZ.NUR.KZ әкімдіктің баспасөз қызметіне сілтеме жасап.

тжжжж
Фото: primeminister.kz: UGC

"Қазақстандағы жергілікті мемлекеттік басқару және өзін-өзі басқару туралы" заңына және "Азаматтық қорғаныс туралы" заңға сәйкес құжатқа Жамбыл облысының әкімі қол қойды.

Мырзахметовтің өкімімен, 2020 жылдың 8 ақпаны сағат 21:00-ден бастап Жамбыл облысы Қордай ауданы аумағында жергілікті ауқымдағы төтенше жағдай жарияланды.

Төтенше жағдайды жою жетекшісі болып облыс әкімінің орынбасары Б.Орынбеков тағайындалады. Сондай-ақ тиісті шара қолдану тапсырылды.

Еске сала кетейік, Жамбыл облысы, Қордай ауданында 7 ақпан күні жергілікті тұрғындар арасында болған жанжалдан 8 адам қаза тауып, 40-тан аса адам әртүрлі жарақат алған.

Аталмыш оқиғаға қатысты ел президенті Қасым-Жомарт Тоқаев мәлімдеме жасап, қаза болғандардың отбасына көңіл айтты және зардап шеккендерге сауығып кетуін тіледі.

Сонымен қатар мемлекет басшысының тапсырмасымен үкімет комиссиясы құрылып, олар бүгін Қордай ауданына барды.

Мақаланың түпнұсқасы: https://kaz.nur.kz/society/1840090-myrzahmetov-kordaj-audanynda-ttense-zagdaj-rezimin-zarialady/

pixel