RU

"140 жыл тату өмір сүріп келеміз": Қордайда ақсақалдар кеңесі құрылады (фото)

Рассказать в Telegram Рассказать Вконтакте

10 ақпан, дүйсенбі күні Қордай ауданының Ауқатты ауылында Премьер-Министр орынбасары Бердібек Сапарбаев бастаған үкімет комиссиясы Қордай ауданының Қаракемер, Масанчи, Ауқатты, Сортөбе, Бұлан батыр ауылдарының ақсақалдарымен кездесу өткізді. Бұл туралы KAZ.NUR.KZ Премьер -министрдің сайтына сілтеме жасап хабарлайды.

Фото: Бауыржан Жуасбаев/ Премьер-министрдің сайты

Фото: Бауыржан Жуасбаев/ Премьер-министрдің сайты

Жиынға облыс әкімі Асқар Мырзахметов, ауыл ақсақалдары, беделді тұрғындар, ардагерлер кеңестерінің төрағалары, орталық мемлекеттік органдардың басшылары, Парламент депутаттары қатысты. 

Кездесуде проблемалық мәселелерді шешу жолдары, қоғамда келісім мен бірлікті сақтау талқыланды. Ақсақалдар жастармен рухани тәрбие жұмыстарында кемшіліктер бар деген тоқтамға келді, осының салдарынан тұрмыстық кикілжің барша жұртқа жария болған оқиғаға айналды. 

Фото: Бауыржан Жуасбаев/ Премьер-министрдің сайты

Фото: Бауыржан Жуасбаев/ Премьер-министрдің сайты

Ақсақалдар аталған елді мекендерді қамтитын бірлескен Ақсақалдар кеңесін құру туралы келісімге келді. Бұл ауылдардағы тұрмыстық проблемаларды ауыл ақсақалдары ортақ Кеңесте шешетін болады. Олар жастармен тәрбие жұмыстарын жүргізіп, Қордай ауданында тұратын барлық ұлттардың арасында бірлік рухын нығайту үшін бірлескен мәдени-спорттық сипаттағы ойын-сауық шараларын ұйымдастыру міндеттемелерін алды. 

"Біз бала кезден доспыз, бірге өстік, бірге жұмыс істедік, қайғыда да, тойда да бірге жүреміз. Жастар бір-бірімен араласуы керек, сонда олар бір-біріне жақындай түседі. Біз 11 ақпанда Сортөбеде бас қосуға келістік. Біз өз ақсақалдарымызды, олар өздерінің ақсақалдарын алып келеді. Алдағы уақытта қайталанбауы үшін туындаған барлық мәселелерді талқылаймыз", — деді қоғам қайраткері, аудандық Ардагерлер кеңесінің төрағасы Әбдібек Сейілханов.  
Фото: Бауыржан Жуасбаев/ Премьер-министрдің сайты

Фото: Бауыржан Жуасбаев/ Премьер-министрдің сайты

Масанчи ауылының тұрғыны Луу Исхар да қоғамда бірліктің сақталуына қатысты өз ойын жеткізді. 

"Үстел басында бас қосып, мәселеге нүкте қою үшін барлық құрметті ақсақалдар жиналады. Арғы күні Масанчиде мешітте бас қосамыз. Неліктен мешітте? Біз барлығымыз мұсылманбыз, достықты нығайтып, Құран оқып, осындай жағдайлар қайталанбауы үшін бата беру үшін мешітте жиналамыз. Жүз қырық жылдай бірге тату өмір сүріп жатырмыз, адамдық қасиеттері жоқтардың кесірінен осындай жағдай орын алды. Бұл біз үшін өте айыпты жағдай болды. Біз бұл мәселелердің барлығын шешуге тырысамыз", —  деді ол.
Фото: Бауыржан Жуасбаев/ Премьер-министрдің сайты

Фото: Бауыржан Жуасбаев/ Премьер-министрдің сайты

Осы ауданнан шыққан кәсіпкерлер туған өлкесін қалпына келтіру және дамыту үшін қаржылай және материалдық көмек көрсетуге ниет білдірді. 

"Мені туған ауылымның жағдайы аса толғандырады. Мен мұнда балабақша, спорт кешенін салдым. Қазір сауықтыру орталығын салып жатырмын. Бизнесмендерді өздерінің туған ауылдарын абаттандыруға шақырамын. Өкінішке орай, бұл бұрыннан бар мәселе. Ағартушылық жұмыстар жүргізіп, бірлескен мәдени-бұқаралық шаралар өткізіп, жергілікті халықтың басын біріктіру керек", — деді бизнесмен, Қаракемер ауылының тумасы Қайрат Молдасейітов.

Айта кетейік, мемлекет басшысы Ішкі істер министрі Ерлан Тұрғымбаевтың Жамбыл облысы Қордай ауданындағы жағдайды тұрақтандыруға байланысты қабылданып жатқан шаралар жайында есебін тыңдады.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
"140 жыл тату өмір сүріп келеміз": Қордайда ақсақалдар кеңесі құрылады (фото)
Mailfire view pixel